TAREHE rasmi ya kuzaliwa gazeti Tando la Kasrilamwanazuo ni hii leo Oktoba 15. Lilianza awali na kisha maandishi ya kwanza kupotea. Hali hii ilitokana na uduni wa taaluma ya teknolojia hii. Kuna wengi naweza kuwashukuru kuweza kunipa mwanga wa kuweza kuingia katika mapambano haya ya fikra na uwezo wa kumiliki eneo langu na kulilima na kulipalilia nipendavyo huku nikitoa fursa kwa wavunaji kuvuna wapendavyo lakini kwa staha!
Nilipokuwa DARUSO kama Waziri Mkuu wa Serikali ya Wanafunzi nilipata changamoto kubwa, hatukuweza kuwa na mtndao wetu kwa kile kinachozungumzwa ukosefu wa fedha za kuuendesha. Dhana yetu ilikuwa kusaka malipo kwa watakaoandika na watakaoutunza mtandao huo. Lakini msemo wa kidole kimoja hakivunji chawa mbona unapata sulba kutokana na kutofaa hasa mimi ninapoweza kumiliki Gazeti Tando na kuliwekea taarifa mara kwa mara wakati pale chuoni wanafunzi wote ambao ni wanachama wa DARUSO kwa sifa ya uanafunzi wao wanashindwa kumiliki mtandao wa kuweka taarifa za chama chao?
Nitapita hapo chuoni siku zijazo kujadili suala hili na ikiwezekana kuanza kuvua wanavyuo mbalimbali kuingia katika ukurasa huu wa kutunza kumbukumbu zao kwa ajili yao na jamii inayowazunguka.
Katika mwaka huu mmoja nilioutimiza nina mengi ya kufafanua lakini kubwa ni kushindwa kufanikisha matakwa ya wasomaji wangu hali inayonifanya kuwaza sasa kutanua ukurasa na kufungua kitu kingine kipya siku zijazo. Kuna wengi wanalilia kukosa maji ya kunywa lakini mimi nalia na ukame wa mawazo katika ukuzaji wa fikra na mtazamo wangu na jamii yangu. Ninaamini Afrika ni taifa chimbuko la mtu mweusi na ni sehemu hiyo pekee mtu huyu atapata faraja ya kujivunia kama akipenda. Ninaamini kila sera inayotangaza kuungana kwa watu maana sishabikii utengano! Nachukia wanaotumia muungano kuneemesha ubinafsi wao na kikubwa nawachukia viongozi wa Afrika wasio na mtazamo kuwa Afrika inaweza kusimama yenyewe na ikatembea bila kujipendekeza kusaka misaada na mikopo inayodhalilisha utu wetu na kisha kuliweka rehani bara letu tukufu.
Naomba nisihutubu sasa nimezaliwa na ninatembea kama hujathibitisha soma utangulizi wa hutba hii katika utungo ulio hapo chini. Nikusalimu Mama yangu Esther Makene "Mama Tazama mwanao" Nikuamkue kaka Mwalimu Benjamin Makene, "Komredi msalimu Mwalimu Mwenzio Nyerere, nakuamkua Mzee Mwalimu Benard Makene, "Unyonge wetu ndio kikwazo cha kufanikiwa kwetu, tusiukumbatie!" Nimalize na wanazuoni wote "Hakuna chakula bora kupata kupatikana katika milki zote za dunia kama fikra! Kuleni fikra mtajaza ulimwengu wenye weledi na wenye vipaji razini.
Mwenyezi Mola tazama na bariki kazi za mwanao!
Komredi Boniphace Makene
Sunday, October 15, 2006
HAPIBETHIDEI KASRILAMWANAZUO
© boniphace Tarehe 10/15/2006 02:16:00 AM
| Permalink |
| Permalink |
Comments: 18
-
Tarehe 10/15/2006 3:44 AM, Mtoa Maoni:
Fikrathabiti -
Tarehe 10/16/2006 6:36 AM, Mtoa Maoni:
mzee wa mshituKaka hongera happy birthday Kasri happy birthday fikra tunafurahi saaana sisi tupendao chakula hiki cha aina yake fikra ni chakula muhimu kama unavyosema.
Usidhani kwamba umeshindwa, nikuambie kitu kimoja umeshinda kwa kiasi kikubwa kutujaza fikra mpya na pana zaidi.
Naomba ndoto zako za kuwapelekea wazo la kuingia mtandaoni vijana wa pale mlimani litekelezeke ili kusudi tuwe na uwanda mpana zaidi. -
Tarehe 10/16/2006 3:30 PM, Mtoa Maoni:
MICHUZI BLOG -
Tarehe 10/17/2006 12:05 PM, Mtoa Maoni:
Jeff Msangi -
Tarehe 10/17/2006 12:05 PM, Mtoa Maoni:
Jeff Msangi -
Tarehe 10/19/2006 3:38 AM, Mtoa Maoni:
Egidio Ndabagoye -
Tarehe 10/19/2006 12:54 PM, Mtoa Maoni:
MTANZANIA. -
Tarehe 10/20/2006 4:54 AM, Mtoa Maoni:
Simon Kitururu -
Tarehe 10/21/2006 8:08 AM, Mtoa Maoni:
mwandani -
Tarehe 10/24/2006 5:50 AM, Mtoa Maoni:
Deus Ngowi -
Tarehe 10/27/2006 4:45 AM, Mtoa Maoni:
MK -
Tarehe 10/28/2006 2:38 AM, Mtoa Maoni:
Unknown -
Tarehe 10/29/2006 3:24 AM, Mtoa Maoni:
Ndesanjo Macha -
Tarehe 10/29/2006 3:30 AM, Mtoa Maoni:
Ndesanjo MachaAjabu kanisa Makene kuona wanafunzi wa vyuo hawaonyeshi ubunifu wa kutumia teknolojia ambazo sisi tunazitumia bila kizuizi chochote. Huenda walimu pale wanawadanganya badala ya kuwafundisha au kuwasaidia wajifunze. Huenda ndio maana Bob Marley akasema, "Dont let them fool you, or even try to school you" alijua mfumo wa elimu unaweza usiwe ndio nyenzo ya kumkomboa mwanadamu na kumpa zana na maarifa ya kupambana na mazingira yake. Sababu hii ndio ilinifanya nikachukia shule (sio elimu na maarifa) toka nikiwa madarasa ya chini kabisa. Nilishtuka kama alivyoshtuka Fela na kuimba, "Teacher dont teach me nonsense!"
Haya, hongera tena kwa kuzaliwa. -
Tarehe 11/09/2006 8:19 AM, Mtoa Maoni:
Rundugai -
Tarehe 11/11/2006 3:31 AM, Mtoa Maoni:
Mija Shija Sayi -
Tarehe 11/13/2006 3:26 AM, Mtoa Maoni:
Christian Bwaya -
Tarehe 11/22/2006 3:09 AM, Mtoa Maoni:
mloyi
Kaka hongera sana kwani ni jambo la kheri kichwa kimoja cha zuoni kikitimiza kipindi flani cha uhai katika uzandiki wa maneno machafu yanayowekwa na watu wasio na majina.Hepibethdei kaka