KESHO nitaanza kazi za Ubalozi wa Tanzania hapa Marekani. Nitakuwa na wiki ya mihangaiko ya kuitangaza nchi hii. Awali jitihada zangu za kutaka kuweka nguvu zaidi katika kuitangaza Tanzania zilikwamishwa na hawa tunaowalipa na wanakaa pale Washington DC wakijiita Ubalozi wa Tanzania Marekani. Sisemi hasa hapo maana niliandika wiki iliyopita.

Nitakuwa na kibarua cha kuzungumzia Tanganyika maana hiyo Tanzania kwanza bado hawajatoa maandishi ya mkataba wake. Sheria za Tanzania haziruhusu kujadili suala lililopo mahakamani kwa hiyo nitaizungumzia zaidi Tanganyika. Kisha nimekumbuka, hakutakuwa na mtu wa kuitangaza Afrika, nitajitwisha jukumu hili pia!

Nadhani sina kosa kukumbusha kuwa sina Bendera ya hiyo Tanzania. Tena afadhali maana ni juzi juzi tu huko huko Bongo wakazi wa Bukoba wametoa kali pale walipoamua kuandamana na bendera ya Marekani. Patamu sana hapo, nadhani hawakuwa na Bendera ya Tanzania maana kibali cha kuipata anapaswa kutoa Mapuri na inatolewa kwa masuala maalum.

Chama cha CUF kwa sasa naona hawawezi kabisa kuipata hiyo, cha kufanya wameamua kuonyesha utata unaotukabili Watizedi tyulio nje juu ya kukosekana bendera zetu. Nitazungumkwa na wawakilishi wa mataifa mengine, najua nitawafunika kwa maelezo lakini hili la Bendera nitahaibisha. Nitajifanya sijui kusema nimeona nisichukue bendera yangu kwa kuwa nawakilisha bara la Afrika lakini nao wataniomba walau ile ya AU.

Sikuwahi kuioana hata hiyo, nilisahau walau ningemuomba Mtikila aniazime ile ya Tanganyika siku nilipokuwa kwake nikamkuta anaweka mpya na kushusha ile nzee. Sijui kwa nini nilisahau! Kazi ipo!

Baada ya mambo ya kazi za wiki hii nitaaanza safari za kwenda Washington DC, nitaandika nitakayoyakuta huko hapa. Kisha nitarejea New York hapo napo nitasema jicho langu limeona nini. Sitaishia hapo nitafika hadi New Jersey kabla ya kurudi Washington na kuanza safari ya kwenda Texas Houston. Huko kuna kingine, nitakutana na wadanganyika wenzangu siku ya "THANKS GIVING". Tutakunywa mvinyo na kisha nitapata fursa ya kuwasikia na kutoa sera zangu. Nikimaliza kesho yake itakuwa safari ya kuja hapa Edinburg. Nifikapo kuna kazi ya kuanza kutoa darasa la Utamaduni wa Mwafrika na lugha yake Kiswahili. Ee Mungu nisaidie.